Festa patronala de l'Assompta
La festa se ten lo 14, 15 e 16 d’avost. Es la festa pi importanta del paìs e comença la premiera sera con la procession de la Madòna portaa dal Santuari de la Madonina d’la Val a la gleisa parroquiala, companhaa da fuzetas e falò. La festa continua a Ferravost e finisson con la festa des Levas con chants e bals. Lo Santuari d’la Madonina d’la val es lo monument pi antic del Vernant e remonta al 1400, per un ex voto fach dai vernantins al temp de la pest. A crotz greca con sòl a mosaïc in peira e muralhas fachas a chaucina chauda, garda de pinturas del principi de l'800, e 4 estatuas en bòsc antic de Sant Joan Batista, Santa Elisabetta, Sant Zaccaria e Sant Jusep. Preciós es lo tròn de la Madòna de la fin del 1600, en baròc piemontés: la Madòna, cuberta da un mantèl d'argent fach a man, es de bòsc, pesa pi de 640 kg e es estaa portaa a espalas da Turin, en 40 jorns, dai Landra del Valon Sec de Palanfré.
