Lo medioevo a Vernante
Lo nom del Vernant pareis lo premier bòt en documents oficials de l’XI secol (1041), mas lo paìs a originas romanas. Après lhi sacs di Sarrasins, es ocupat da la comuna de Coni, e ental 1230 dai marqués de Saluces. Con lo passatge a la senhoria di Lascaris, Conts de Tenda e sen hors del paìs entre 1275 e 1581, ven realizaa la Torosela, antic chastel del 1275 comandat dal Cont Pietro Balbo de Tenda per defendre e controlar la via del Còl de Tenda e far pagar las gabèlas ai merchants. La Torosela es un chastel cintat: le muralhas embrasson la ròcha dominaa dal masch, encuei talhat ai dui terç. En lh ians se son refutjats aicì decò de brigants. La Torosela, que fins al 1966 es estaa la pi bòna testimoniança de l’antica Contea de Tenda, aquel an perd sa tor auta 15 metres, que cròla. Pietro Balbo ental 1293 conced al Vernant lhi Estatuts; autras redacions arribon ental 1476 e ental 1509, mas nos son arribats mec aquelhi del 1554. Lo Vernant es indipendent fins al 1581, quora passa sot lhi Savòia.
