La festa patronala de Sant Manh

La festa patronala de Sant Manh se fai la premiera diamenja après Ferravost. Après la Messa, la matin lhi a la procession con la banda, lo tradiccional carton del 1857 bigalhat e decorat da flors, tirat da bochins e companhat da cavals, autoritats comunalas e dai fedels en preguiera, e puèi la benedicion. Van dreire lo carton decò lhi massiers, lhi solets personatges que fasion part de l’antica Baia que se fasia icì fins al secol passat e que s’es cristianizaa. A la fin de la procession lhi a la benediciond es bestias; Sant Manh de fach es protector de tropèls e cavials. Puèi un òme con la tipica vesta niera de la Baia recita la tradiccionala Predica en dialèct del pòst, e comenta en manièra esquersosa lhi aveniments de l’an passat. Lo luns matin, dich de Sant Manhèt, lhi a l’exposicion de tractors, e la sina de fasòls seguia da bals de la val Vermenanha.