Cinq e Sieis cents
Ental 1554 l’armaa de Rocavion avisa lhi borgarins que lo governator de Busca es en chamin a arribar per passar al sac lo paìs; lhi borgarins s’escapon e s’estremon ental chastel de Rocavion. Passat lo pericol, devon pagar al senhor del chastel 60 escuds. Ental 1581 per voler del Duc Carlo Emanuele I lo vielh chastel, sempre odiat dai merchants perquè lhi proprietaris se fasion pagar la gabèla per lo passatge s’la via del Còl de Tenda, ven destruch. Carlo Emanuele dona titol marquional ai possediments del prenci Tommaso de Savòia con Poranh e Bueves (1619). Après una part des renditas e jurisdicion passa ai conts Biraghi, de la nobiltat del pòst (1640), qu’a la fin del XVIII secol prenon lo titol marquional. Con la formacion de l’Etat regional sabaud, lhi drechs senhorils, que nombrosas familhas del pòst mantenon, venon subordinats a l’autoritat del marqués de Saluces, e passon en la riparticion administrativa creaa dai Ducs de Savòia. Quora l’Estat entre XVII e XVIII secol organiza lo domini en provincias, nais la provincia de Coni, ente intra definitivament decò Rocavion.
