Lo Nòu cents a Roccavione
A la fin de l’ ‘800 a Rocavion, sempre empenhaa en l’agricultura, nais la pi antica activitat industriala de la bassa val Vermenanha: la cartiera Pirinoli fondaa ental 1883 da l’omònima familha. En la Seconda guerra mondiala Rocavion es interessaa da la lucha partisana: nombrós abitants del paìs perdon la vita e pr’aquò lhi venon dedicaas de vias e la plaça del centre istòric. Rocavion ven industrializaa en lhi ans '60, quora arribon dui cimenterias e gavas. Autra font de redit es la centrala Enel de Brinhòla, realizaa en lhi ans ’60, que forma un lac sobre la fraccion e fai part d’un sistema que compren Diga des Plastras, Diga del Clotàs e lac des Roinas, canals de derivacion del riu Ges, centralas electricas sarraas e dubertas. L'emplant es format da un canal derivator que, traversant la Val de Bosset e la Val de Roascha, pòrta l'aiga de la Diga Plastra a mont de Brinhòla, ente part un canal forçat long 550 metres. Dapè del lac lhi a un fabricat abandonat que servia per lhi oficis de la Centrala, eira comandaa da Malhan.
