Lo Nòu cents
A la fin de la darriera guerra mondiala tornon a la França lhi territòris al de lai des Alps coma la ruaa de Molièras, agregaa a la comuna de Vaudier despuei lo 1861. Andòn, comuna indipendenta fins al 1928, deven fraccion de Vaudier. Remonta al principi del Noòu Cents Vila Bianco, en estil Liberty. A la Madòna del Colet lo 12 de setembre del 1943 Duccio Galimberti, Ettore Rosa, Dante Livio Bianco donon vita a una des premièras formacions partisanas.
Ental 1995 nais lo Parc Natural des Alps Maritimas, sus 26.000 ectars, con la reserva naturala especiala juniperus phoenicea, que garda una colònia de chais fenìs, boisson maritim que viu aquì, e cura lo proèct de lhi ans ’90 per reportar lo votaor, despareissut al principi del sècle XX. La casa de chaça del Valasc, de lhi ans 1880-1899, en la premièra guerra mondiala ven pilhaa da l’exercit e transformaa en caserma fins a la fin de la seconda guerra mondiala, quora torna ai Savòia. Vendua ental 1958, es estaa adobraa coma granja e truna dai bergiers, e ental 1993 un encendi destrug lo cubèrt. Abandonaa fins al 2002, ven restructuraa e ental 2008 deven refutge.