Lo Sieis, lo Set e l'Uech cents

Roascha e Rocavion per secles, fins a la metat del secle XVIII, se son disputaas lo Valon de Brinhòla. Ental 1663 lo princi Tommaso de Savòia enfeuda Roascha a la familha Birago, jà feudataria de Limon e Rocavion. Entre lo 1631 e lo 1632, la pest arriba decò a Roascha: lo recòrda una escricha sus una casa en via Tino Aime.

Ental Set Cents a la Vila, cap luec, soleta ruaa a l’ubac, ven realizaa la parroquiala baròca dal maestós cloquier dedicaa ai SS. Dalmas e Bernard. Pas da luenh lhi a una solaria realizaa ental 1798, e sus la façada de la Comuna lhi a una autra solaria dataa 1865. Del 1896 es un fresc ex-voto con Sant Antòni e l’Assompta realizat da Fantini en vicol Mestre. A Roascha son presents autres dui frescs ex-voto popolars con Sant Ròc e la Crocifission.