Le Set cents
La Reserva del Bòsc de Palanfrè, en Val Granda del Vernant, tutela de lacs d’origina glaciala e un extraordinari bòsc de fauls con de plantas qu’an pi de 300 ans. Dins lo 1700 de fach lo bòsc es estat definit “bandit”, e es estat vietat de talhar las plantas que paravon da las chalanchas la pichòta ruaa de Palanfrè. Encara encuèi, per indicar aqueste bòsc, se di «la bandìa». La presença del faul, la planta a fuelha larja pi presenta dins lo territòri alpin piemontés, a portat a la coexistença unica en Europa de tres aucels de la familha di còrvs: tacola, chauvia alpina e chauvia coralina. L’autessa, la freid e la pendença de la montanha an fach esvilopar lhi fauls del Palanfrè en maniera ren regolara, embe lo còrp tronchut, entorseat e plen de pertuis. Tot aquò, sustot dins la nebla di jorns d’automn, dona un gaubi magic al bòsc, pòst ideal per lhi sarvans, creaturas fantasticas di bòscs occitans.