La Clusa
La comuna de 3800 abitants, a 575 m d’autessa en Val Pes, es formaa da las fracions Abrau, Combas, Vinha, Sant Tromè, Santa Maria Ròca. Las esplegacions de son topònim son tres: geografica, coma pòst sarrat da una chaëna de monts; juridica, perquè en epoca romana manten la proprietat colectiva de la terra; arquitectònica, per la fortificacion romana del Recet o Rocet, protejut en aut dal castrum de Mirabel e colegat, a travèrs la tor des Combas, a la fortessa de Santa Maria d’la Ròca. Lo topònim Pes es jontat despuei lo 1862, per evitar omonimia emè autres pòst.