La correnta di coscrit

Una maniera de balar la correnta en grop es dicha di coscrits. Al principi a la festa di coscrits e a la leva partecipavon mec lhi òmes e prìaquò aqueste era un bal fach mec da òmes. Se forma un cercle, virats vers lo centre, una dama e un cavalier, que se tenon per man. En la figura ëndâ a 'spas tuchi van al centre del cercle e puèi tornen enreire. Ental balâ se bala sal pòst, sempre per man con lhi braç long lhi flancs. Ental virâ tuchi van en sens antiorari, ental dësvirâ en sens orari. De costuma en l’ëndâ a 'spas lhi balarins bramon. Sovent se brama decò ental balâ, mas en maniera ritmaa. Vist qu’es ben simple, es un bal que se fai quora ental grop lhi a de gent que sai pas balar. Se fai decò per festetjar quarqu’un que ven laissat a balar en cobla al centre del cercle. A la festa d’leva, un balarin que ten la bandiera bala al centre del cercle.