La lenga secreta de Roascha

L’activitat principala di Roaschins era aquela de pastres transumants, que se meiravon con lhi tropèls e la familha en montanha d’istaa e d’auton verso la planura Padana, con 200.000 feas de raça frabosana – roaschina, bòna da lach. Lhi pastres de Roascha parlavon un grapiet secret, lo gergon o talhat, per pas esser capits dai piemontés quora comerchavon ental Nòrd Italia. Lo pastor era lo grata, la feaa la bartolina... Tàia 'n poch, que 'ou bàrben nent, "parla lo grapiet, que te capissen nen" se dision lhi Roaschins entre lor. Encara encuei tuchi lhi Ròccha (abitants de Roascha) conoisson de paraulas de talhat.