Rocavion

Dominaa dal bric del Sant Sudari, Rocavion se tròba a 646 m d’autessa a la confluença di rius Gès e Vermenanha, e fai part de la sia valada. Nombrosas son sias ruaas, coma Brinhòla, e lhi Teits Paraquèt, Plan, Quer, Saletz, Guigo, Jordana, Massa Sobeiran, Baptista Massa, Toniet: la popolacion es de 2870 abitants.
La premiera documentacion es del 1041, quora era chamaa Rocha Corvaria, ròca di còrbs, e citaa entre las dependenças del monasteri de Pedona. L'actual denominacion remonta al XII secle, coma Roccaguidone o Rupe Vidonis, en relacion a un personatge germanic retengut fondator de l’ensediament.