Amici dei Semplici
L’associacion Amici dei Semplici es naissua vers la fin de lhi ans ’80 a Bueves, entè es estaa ben activa dins la vita culturala.
L’associacion a organizat cors e rescontres sus istòria e cultura del pòst, arquitectura tradicionala, erboristeria, ecologia, bestias e plantas del pòst, poesia, danças occitanas, arqueologia, fotografia, sortias culturalas, excursions, visitas a reservas naturalas, presentacions de libres de cultura locala.
De components del grop an culhit dins aquesti ans material sus la cultura locala, sustot dins aquesti sectors:
LINGUISTIC: Culhent istòrias, proverbis, manieras de dir, preguieras popolaras, contas,breçarelas, chants e musicas da bal, extranòms; vocabolari (senhalant las variacions foneticas e las diferènças dialectalas entre las ruaas de Bueves), lhi trabalhs e lhi instruments, alevament, vielhas plantas.
TOPONOMASTICA:Culhent e catalogant lhi topònims presents sal territòri e lor individuacion cartografica
INSTITUCIONS COMUNITARIAS e lo cicle de la vita (rites de passatge, lo naisser, lo juec e lo divertiment, la mòrt, la festa, custumas e credenças, las vestas)
ALIMENTACION E RECETAS TRADICIONALAS
LO MOND FANTASTIC: Embè la racòlta de conts e legendas sus lhi personatges favolós presents dins nòstra "mitologia"
PERSONATGES, ISTòRIA LOCALA, ARQUEOLOGIA, TERRITòRI, RELIGIOSITAT, ARQUITECTURA TRADICIONALA, GESTS POPOLARS
RACòLTA DES AISINAS DA TRABALH
Ental 2002 l’associacion a publiat lo libre Bestie, bestiette, bestias, bestiari popolar buevesan (Primalpe edizioni) e es en chamin a preparar un libre sal chastanhier.
