L’idea de realizar un portanèl linguïstic per la Comunas occitanas des Alps de la Mar nais da la volontat de lhi administrators de la Comunitat de Montanha de valorizar la profonda valor culturala e sociala rapresentaa da l’antica lenga d’òc qu’encara encuèi enfluença las diferentas varietats linguïsticas de l’airal.
Venon presentaas las comunas de Poranh, La Clusa e Bueves, ente las parlaas del pòst son lo resultat d’una commistion d’occitan e piemontés, e de Entraigas, Vaudier, Roascha, Rocavion Robilant, Lo Vernant e Limon, de lenga occitana. Aqueste novèl instrument institucional vòl ufrir occasions de reflexion e discussion, e a generar curiositat e atencion vers las parlaas del pòst. L’estructura del portal permet un ajornament continue: chasque citadin pòl contribuir a entegrar lhi contenguts adobrant lhi instruments que lo site buta a disposicion.
Escrivetetz nos per aver informacions, consulenças, pichòtas traduccions, mas decò per senhalar instruments de la tradiccion d'aquestas valadas, continas, chançons, proverbis, nom de bestias o plantas esquasi desmentiats e que serèn publiats en la seccion servicis interactius. Poleretz mandar decò fòtos e sonòrs.
