Lhi germans dins lo territòri de Coni
Lhi documents mai antics relatius a la presença di Germans sus lo territòri de l’actuala provincia de Coni fan referiment a la batalha de Pollentia (encuèi Pollenzo) que ve Alarico, rei di Visigòts, contra Stilicone, general roman d’origina barbara. Alarico era arribat ai confins orientals de l’Italia embè son exercit jà dins lo novembre del 401; aprés aver renonciat a una accion sus Milan e finit mal lo setge d’Asti, lhi Visigòts se plaçon dapè Pollentia ente l’antic cors de l’Estura de Demont s’unís embe lo Tanar. La batalha decisiva se passa lo 6 d’avril del 402, jorn de Pascas.![barbari copy.jpg barbari copy.jpg](http://www.vallimarittimeoccitane.it/applications/webwork/site_assaggidibisalta/local/document/uploaded_img/015292.barbari%20copy.jpg)