L'Abaïa de Limon

La darriera diamenja d’avost se ten l’Abaia de Limon per la celebracion de Sant Second, legionari roman martirizat, con la procession per las vias de l’estatua del sant e cavals bardats a festa e carocets plens de flors. Partecipon massiers e massieras, la banda e lo grop folcloristic, e tota l’Abaia formaa da l’Abat Vielh, l’Abat Nòu e lhi Sergentins. L’Abaia, celebraa per lo premier bòt ental 1529, recòrda las companhias de mulatiers e cartoniers qu’ai temps de la Contea de Tenda portavon merchancias a travèrs lo Còl.