Las originas de Roascha

A Teits Bandit (topònim qu’es pas dovut a un brigant, mas a la presença d’un bòsc ente lo talh era bandit, vietat) se tròbon las omònimas gròtas creaas da l’aiga, reserva especiala del Parc des Alps Maritima, e formaas da grands pertuis e galerias ente son estats retrobats rests de ursus spelaeus. Al principi del Nòu Cents, coma testimònion lhi documents conservats al Museu Civic d’Coni, lhi òs d’ors retrobats aicì venion adobrats da las mainaas de Roascha coma juec, per far trenins e autras domoras. Sempre ental Nòu cents son estats retrobats aicì rests d’autras bestias, que fan pensar a la frequentacion de la gròta ai temps de l’òme preistòric, e ental 1967 ven retrobat un cotèl de bronç de la premiera etat del fer.