L’Etat Mesana: Bueves e Brusaporcel
Las originas romanas de Bueves son esquasi seguras: la pròva son nombrós repèrts arqueològics, coma una pèira tombala retrobaa ental 1919 en ruaa S. Ana, gardaa en original dins lo Musèu Civic de Coni e en còpia dins l’entrada del municipi del pòst.
Dins lhi sècles aprés l’istòria de Bueves es pas clara, lhi documents pas segurs: benlèu lo solet credible seria un acte de donacion del Marqués Bonifacio del Vasto, que parla d’una gleisa de S. Stefano dapè d’un convent de fraires Eremitans (16/08/1095), a l’entorn de la quala se poleria èsser desvelopat un país: un bòt Bueves era plaçaa mai a òvest, e lo centre del país era dapè dal Molin Sotan a la crosièra des vias per La Melana e per Lo Borg.
Es segur que, ental 1198, lhi abitants de Bueves e de Brusaporcel (encuèi Fontanelas) partecipon a la fondacion de Coni, e reston liats a la vila dins lhi sècles aprés, fins a l’intrada dins l’Estat di Savòia (1396).